منتديات عسل بغداد

  منتديات عسل بغداد > >

منتدى الشعر الشعبي العراقي اهلا وسهلا بيك واكثر بالوياك .... القلب قبل العين فز وتلكاك

((ومضات)) خرافيه

منتدى الشعر الشعبي العراقي

((ومضات)) خرافيه

((ومضــــــــــــــــات)) ما أجيك ولا تجيني ولا أجيك يل بعتني الوكت غشاني بيك لا وحك كل دمعة نزلت ماأجيك وما أبيعك مو لأن غالي الثمن ومولأن اني أحبك بس

انشر الموضوع
قديم 10-02-2009   #1

البـغدادي
عسول بدأ يبدع
 
الصورة الرمزية البـغدادي

العضوٌﯦﮬﮧ » 45410
 التسِجيلٌ » Sep 2009
مشَارَڪاتْي » 433
 نُقآطِيْ » البـغدادي is an unknown quantity at this point
((ومضات)) خرافيه

((ومضــــــــــــــــات))



ما أجيك ولا تجيني ولا أجيك
يل بعتني الوكت غشاني بيك
لا وحك كل دمعة نزلت ماأجيك
وما أبيعك مو لأن غالي الثمن
ومولأن اني أحبك بس افكر
من ابيعك راح اغش اليشتريك




جبت كلب ثاني حتة اكدر انساك
صارت مصيبة وحبك الثاني
عليك تعاركو هذا كتل ذاك
زعل كلبي على كلبي وموتاني




جمال البيك دايخ هوة بيك
ويمكن انت تخدر من تكض ايديك
انت ربك خالقك بشكل خاص
اظن خالقك بس الة حتى يعاين عليك




احذرك لوتريد تسوي عركة وياي
ماشايفني حقك لمن اتعرك
اشك حلكك ابوسة ومنك اخذ ثار
وبلكي تهد علية وتاخذ بثارك




شفت عصفور فوك الشجرة مكتول
كلت هذا المنية شلون وصلتة
رفعت الراس لكيت العش محترك
كلت هاي القضية الحركة كاتلتة




تصح ومضة شعر تفرش دواوين
ويصح ديوان مايفرش حصيرة
وتصح كومة زلم ماتسوة فلسين
ويصح شخص مثلك يسوة عشيرة
من كد ماحلو محد مشة وياك
والماشاك هم ماظل يماشيك
هوة ماشاف دربة تعثر وطاح
لأن كضاها بس يعاين عليك



احبك حب ولامر على أنسان
وتدري شكد احبك راح افهمك
حلمت انة بالجنة وانت بالنار
اكفر كمت حتى انتقل يمك




موبس اني اذوب واخدر عليك
من احلم بيك حتى فراشي يخدر
منو الكال الكمر يفتر على الكاع
الكمر شافك حلو وكام يفتر



على نار انتظر ومتاني الاحباب
وندك باب بيتي والكلب ذاب
طلعت للباب عود الباب افتحة
لكيت الباب طالع فاتح الباب




حلو وتنكلب ويختلف وضعك
وكذلتك طايرة وتلعب على الريح
الوحيد انت حلو ومحد يتبعك
لأن من تمر كلها ادوخ وتطيح




ابوطنة الضحكة شردت من الحلوك
والعيدية دوم مزاعلة الأيد
يجينا العيد جان ومامش هدوم
هسة هدوم عدنة ومايجي العيد




هوة غيرك من اشمنة اموت
لاكن ارجع عدل من اشتم هواك
تدري انة شكد احبنك بحيث
من اتهد انت علية اهدن وراك




اكص لساني خاطر ما أحاجيك
وحتة ينتهي البينك وبيني
لكيت انوب عيني تسولف وياك
يعني شلون اكص لسان عيني




حظر تجوال خلو يوم يومين
رادو شوفتك من عدها يحرموني
راح اطلع واجاهد خلي كلشي يصير
بس اوصل واشوفك خل يكتلوني




شكد شايف شفايف فوكهن شامات
بس مثل شفتك ما ملتقي بشفة
تكض اللفة تاكل من تحس بجوع
من كثر الحلاوة تعضك اللفة




اريد افتح وياك باب الاعتاب
واكفر بالعشك لوبابة سدة
صاير ماتحس كلش هاليام
وحيل تغيرت بيك المودة
رد كلمن يجيلك وجنحة مكسور
بس مكسور خاطر لاتردة




يا أول عشك ياخذني لبعيد
ياأول محب يحتل كياني
زعلت وياك مرة وخلصت وياك
واني وياك صار وطلكاني
كلت انساك خاطر انسا ألأهموم
شوطلعت محبتك من اذاني
لو أدري بغيابك يهدم الحيل
جا كصيتة لعيونك لساني




انة البيت عندي وكلشي حاويه
بالأيجار الوكت كعدني بالدار
وكلت بكليبي اسكن مايهمني البيت
طلع حتى الكلب كاعد بالأيجار




كضت سنين عمري وخلصت شوك
وعلى عشك الجنيتة تهمل العين
العشك ينظلم لوينتهي بساعات
تكلي شلون واحنة باربع سنين




الحكومة انطت شعبها ارقام وارقام
حتى المواطن ايخابر ويشرح همومة
شعب خارج نطاق التغطية يعيش
اذن شيسوي بارقام الحكومة




كل حلو ينباس بس انت الوحيد
دخنة شلون صارت هوسة
خدك يكهرب واليبوسة يطيح
كمنة من بعيد ناخذ البوسة




جم محب حاول ينسة الحبيب
وانة من انساك اظل دايخ عليك
انت حبك يختلف فد شي غريب
حتى نسيانك حلو يذكرني بيك




عليك الكلب ثابت قفل مقفول
واموت وما أدور عن بديلك
ما أحب الصلاة بس كمت اصلي
اصلي لخاطرك حتى اندعيلك






عذاب البرزخ انة تعذبت بيك
ولكن بالكلب ظل حبك ايزيد
واذا كالولي عوفة وجنة ننطيك
اريدن برزخك أي جنة ماريد




ماأنضيع الرفيق مبين ومعروف
من كرشة وبدلتة ودستة اقلامة
وفارك من اذنة وشواربة تقليم
ومخنزر عالبشر وعيونة بالهامة




شيجيب باجر واكعد وياك
واكضنك واطحك مابين الأضلوع
واذا باجر اجة وماجابك وياه
اكض باجر واشمرة من الأسبوع




أمس اباب بيتك ضاعت الروح
واجيت ادوور هم شفتها
اظن لمن كعدنة بعتبة الباب
رحت انة وبقت يمك عفتها

البغدادي



((,lqhj)) ovhtdi

البـغدادي غير متواجد حالياً   رد مع اقتباس
قديم 10-02-2009   #2

البـغدادي
عسول بدأ يبدع
 
الصورة الرمزية البـغدادي

العضوٌﯦﮬﮧ » 45410
 التسِجيلٌ » Sep 2009
مشَارَڪاتْي » 433
 نُقآطِيْ » البـغدادي is an unknown quantity at this point
رد: ((ومضات)) خرافيه

نورتو الموضوع وربي

البغدادي
البـغدادي غير متواجد حالياً   رد مع اقتباس
قديم 10-02-2009   #3

هند

العضوٌﯦﮬﮧ » 17477
 التسِجيلٌ » Apr 2008
مشَارَڪاتْي » 6,942
 نُقآطِيْ » هند is an unknown quantity at this point
افتراضي رد: ((ومضات)) خرافيه

عاشت الايادي على الطرح الجميل


تقبلوا مروري

ودي وباقات وردي
هند غير متواجد حالياً   رد مع اقتباس

الكلمات الدلالية (Tags)
((ومضات)), خرافيه

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

المواضيع المتشابهه للموضوع: ((ومضات)) خرافيه
الموضوع كاتب الموضوع المنتدى مشاركات آخر مشاركة
ومضات من حلك الشاعر........ حبيبي ياوطن منتدى الشعر الشعبي العراقي 1 01-10-2010 08:20 AM
ومضات زوزو محاسبه منتدى الشعر الشعبي العراقي 14 12-27-2009 04:33 PM
ومضات عجبتني خضير الفضلي منتدى الشعر الشعبي العراقي 6 11-09-2009 05:47 AM
اروع 9 ومضات بنت الباشا منتدى الشعر الشعبي العراقي 1 11-06-2009 12:06 AM
ومضات الحب عاشق الهمسات منتدى الشعر الشعبي العراقي 8 03-11-2009 08:47 AM


جميع ما يكتب في منتديات عسل بغداد لا يعبر عن رأي الادارة وانما يعبر عن وجهة نضر كاتبها والادارة غير مسؤوله عن ما يكتب او ينشر في منتديات عسل بغداد